Իրան-ԵԱՏՄ տնտեսական, առեւտրային եւ դիւանագիտական 3-րդ նստաշրջան
Փետրւարի 13-ին կայացել է Իրան-ԵԱՏՄ տնտեսական, առեւտրային եւ դիւանագիտական 3-րդ նստաշրջանն Իրանի առեւտրի, արդիւնաբերութեան, հանքարդիւնաբերութեան եւ գիւղատնտեսութեան պալատի եւ Իրան-Հայաստան առեւտրային պալատի համագործակցութեամբ, ինչպէս նաեւ արտաքին առեւտրային ոլորտին վերաբերող բաժանմունքների ջանքերով՝ Իրանի ռադիո-հեռուստաընկերութեան համաժողովների դահլիճում:
Նիստին ներկայ է եղել Իսլ. խորհրդարանում Թեհրանի եւ հիւսիսային իրանահայութեան պատգամաւոր, Իրան-Հայաստան բարեկամական խմբի փոխնախագահ Արա Շահվերդեանը, որը համապատասխան պանելում ելոյթ է ունեցել՝ Իրանի եւ հայաստանի առեւտրային յարաբերութիւնների մարտահրաւէրների թեմայով:
Նիստին մասնացկել են նաեւ «Արաքս» ազատ առեւտրի գօտու ղեկավար Քիանին եւ Իրան-Հայաստան առեւտրային պալատի ղեկավար Հերւիկ Եարիջանեանը, ինչպէս նաեւ՝ Երեւանում իրանական «Մելլաթ» բանկի գլխաւոր տնօրէն Մուսաւին եւ ՀՀ դեսպանութեան առեւտրային կցորդ Վարդան Կոստանեանը: